Plantun de Prouvènço

Pèr coumpara dos planto d'encò nostre

Thymelaea tartonraira subsp. tartonraira & Typha laxmannii

Tartoun-raire

Thymelaea tartonraira subsp. tartonraira

Thymelaeaceae

Àutri noum : Trintanello, Malo-erbo, Retoumbet-gros, Erbo-laurino, Erbo-gourrino.

Noms en français : Passerine tartonraire, Tartonraire.

Descripcioun :
Lou tartoun-raire es un aubret que fai souvènt de gros bouissoun forço ramifica sus li roucas en ribo de mar. Li fueio en formo de cuie soun peludo, ço que douno à la planto uno coulour griso. Li flour soun jauno e se duerbon avans li ramo de l'an.

Usanço :
Es uno planto couneigudo pèr èstre un purgatiéu vioulènt : "pèr lou aut e pèr lou bas".

Port : Aubret
Taio : Pancaro entresigna
Fueio : alterno
Tipe bioulougico : Camefite
Cicle bioulougico : Planto renadivo

Gènre : Thymelaea
Famiho : Thymelaeaceae

Ordre : Malvales

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms Ivèr

Sòu : Ca
Autour basso e auto : 0 à 50 m
Aparado : Vo
Remarco : Meno aparado

Liò : Mar - Paret
Estànci : Termoumediterran à Mesoumediterran
Couroulougi : Pancaro entresigna
Ref. sc. : Thymelaea tartonraira subsp. tartonraira (L.) All., 1785

Fielouso(-de-Laxmann)

Typha laxmannii

Typhaceae

Àutri noum : Filouso, Sagno, Masseto.

Nom en français : Massette de Laxmann.

Descripcioun :
Aquesto fielouso o sagno trachis dins li roubino e en ribo d'aigo. La planto es eici pas tant verdalo que si cousino. Pèr la destria mai seguramen fau regarda li fueio que fan de 2 à 5 mm de larg, aleva aquéli di rejit que podon faire fin qu'à 8 mm. Causo impourtanto, lis auriheto di fueio d'en aut soun bèn marcado emé souvènt de pichòti pouncho (vèire la fotò).

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.